ԱՄՆ նախագահ Դոնալդ Թրամփը դժգոհություն է հայտնել մի շարք դաշնակից երկրներից՝ Հորմուզի նեղուցով նավագնացության անվտանգությունն ապահովելու գործում աջակցությունից հրաժարվելու համար։ Այս մասին նա ասել է Սպիտակ տանը լրագրողների հետ զրույցում։
Թրամփի խոսքով՝ ԱՄՆ-ն մեծ ռազմական ներկայություն ունի արտերկրում՝ Ճապոնիայում, Հարավային Կորեայում և Գերմանիայում տեղակայված տասնյակ հազարավոր զինծառայողներով, և երկար տարիներ մեծ միջոցներ է ծախսել դաշնակիցների պաշտպանության համար։ Նրա գնահատմամբ՝ երբ ԱՄՆ-ը դիմել է օգնության, որոշ երկրներ չեն ցանկացել ներգրավվել։
«Մենք տրիլիոնավոր դոլարներ ենք ծախսել ՆԱՏՕ-ի վրա, բայց երբ գործը հասնում է մեզ աջակցելուն, շատերը մեր կողքին չեն լինի», – նշել է նա՝ հավելելով, որ որոշ դաշնակիցներ իրեն «խիստ հիասթափեցրել են»։
Միաժամանակ, ճապոնական NHK պարբերականի հարցմանը պատասխանելով՝ Պենտագոնի ներկայացուցիչը ներկայացրել է ավելի ճշգրտված տվյալներ՝ Ճապոնիայում մոտ 50,000, Հարավային Կորեայում՝ 28,500, իսկ Գերմանիայում՝ շուրջ 35,000 ամերիկացի զինծառայող։