Բորիկը փորձել է ստվերել նախագահներից երկուսին, որպեսզի փայլատակի նա, ում փողերով պահվում է «Politik»-ը: Իհարկե, Բորիկի իրավունքն է փառաբանել նրան, ում ցանկանում է (դա էլ իր աշխատանքի բնույթն է,հացի աղբյուրը), բայց երբ բանը հասնում է այլոց գնահատականներ տալուն, Բորիկը պարտավոր է զգույշ լինել ու «թացը չորի հետ չխառնել»:
Կոնկրետ արցախյան խնդրում Սերժ Սարգսյանը երբեք դիրքորոշում չի փոխել, երբեք ոչմիթիզականություն չի քարոզել, երբեք անիրական, էյֆորիկ հայտարրություններ չի արել՝ ընդունելով ու հասկացնելով, որ այդ խնդրի քաղաքակա լուծումը ենթադրում է փոխզիջումներ: Ընդհակառակը՝ նա հաճախ թիրախավորվել է իր այդ դիրքորոշման պատճառով. նրա պրագմատիզմը ազգայնական շրջանակների կամ գոնե այդպիսին ներակայացողների կողմից հաճախ քննադատվել է: Սարգսյանն ընդամենը կիրառում էր երկարաձգված և բարդ էթնոտարածքային հակամարտություններում ընդունված այն պրակտիկան,երբ փորձ է արվում բալանսավորել միջազգային դիվանագիտական ճնշումներն ու ներքին հասարակական տրամադրությունները։ Ներքին լսարանի առաջ հաճախ հնչում էին կոշտ հայտարարություններ ոչ թե քաղաքական անսկզբունքայնության պատճառով, այլ Ադրբեջանի կոշտ հռետորաբանությանը հակակշռելու նպատակով: Հետևաբար՝ խոսել այստեղ ինչ-որ անսկզբունքայնության մասին կարող է միայն նա, ում պատվիրել են «ձվի մեջ մազ փնտել» ու մարդամեկին փիառել…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: