Իրանի իրավապահ մարմինները Ուրմիա քաղաքում (երկրի հյուսիս-արևմուտքում գտնվող Արևմտյան Ադրբեջան նահանգի մայրաքաղաք) ձերբակալել են 20 անձի՝ լրտեսության և Իսրայելի հետախուզական ծառայությունների հետ համագործակցության կասկածանքով։
Այս մասին հայտնել է Tasnim լրատվական գործակալությունը։
Նահանգի դատախազը հայտարարել է, որ անվտանգության ուժերը բացահայտել և վնասազերծել են Իսրայելի հետ կապված մի քանի վարձկանների ցանցեր։ «Այս անձինք համագործակցել են սիոնիստական թշնամու հետ, այդ թվում՝ նրանց տրամադրելով տեղեկատվություն ռազմական, ոստիկանական և այլ անվտանգության օբյեկտների գտնվելու վայրի մասին», – գործակալության տվյալներով՝ ասել է պաշտոնյան։
Բոլոր 20 կասկածյալները ձերբակալվել են դատարանի համապատասխան որոշումների հիման վրա։ Հետաքննությունը շարունակվում է։