Bloomberg-ը, հղում անելով իր աղբյուրներին, հաղորդում է, որ ԱՄԷ-ի Ֆուջեյրա նավահանգստի նավթային տերմինալը շարունակել է նավթի բեռնումը՝ չնայած շաբաթ օրը տեղի ունեցած հարձակմանը։
Ըստ հաղորդագրության՝ շաբաթ օրը իրանական անօդաչու թռչող սարքը հարվածել է տերմինալին, ինչի հետևանքով այնտեղ հրդեհ է բռնկվել։
Ֆուջեյրան համարվում է աշխարհի ամենամեծ նավթի արտահանման և տանկերների բունկերավորման տերմինալներից մեկը։
Այն գտնվում է Օմանի ծոցի ափին և Պարսից ծոցի երկրների համար արտահանման այն սակավաթիվ ուղիներից մեկն է, որը կարող է ծառայել որպես այլընտրանք այժմ փակված Հորմուզի նեղուցին։