Իսրայելի պաշտպանության բանակի գլխավոր շտաբի պետ Էյալ Զամիրը հրամայել է լրացուցիչ ստորաբաժանումներ տեղակայել հրեական պետության՝ Լիբանանի հետ հյուսիսային սահմանին։ Այս մասին հայտարարել է Իսրայելի պաշտպանության բանակի մամուլի խոսնակի գրասենյակը։
«Իրավիճակի բազմակողմանի գնահատումից հետո Զամիրը հրամայել է Հյուսիսային հրամանատարության զորքերի լայնածավալ ուժեղացում՝ տարբեր հարձակողական և պաշտպանական սցենարների պատրաստության ամրապնդման շրջանակներում։ Հյուսիսային սահմանին զորքերի ուժեղացումը և տեղակայումը կիրականացվի լրացուցիչ կանոնավոր ստորաբաժանումներով, այդ թվում՝ դիվիզիաներով, բրիգադներով և ինժեներական գումարտակներով», – ասվում է հայտարարության մեջ։
«Միևնույն ժամանակ, պահեստազորային ուժեր կհավաքագրվեն հյուսիս տեղափոխված կանոնավոր ստորաբաժանումները փոխարինելու համար», – հավելել է մամուլի խոսնակի գրասենյակը։