Անկարան ակտիվ դիվանագիտական ջանքեր է ձեռնարկում Իրանի շուրջ բռնության էսկալացիայի կանխման համար, ինչը կարող է հանգեցնել տարածաշրջանի ամբողջական աղետի: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ելույթ ունենալով Անկարայում ՄԱԿ-ի գլխավոր քարտուղար Անտոնիո Գուտերեշին Աթաթուրքի անվան միջազգային խաղաղության մրցանակի հանձնման արարողության ժամանակ։
«Թուրքիան ձգտում է վերացնել հակամարտությունները, պատերազմները, ճնշումները և մարդասիրական ճգնաժամերը, որտեղ էլ որ դրանք առաջանան, հատկապես՝ մեր տարածաշրջանում»,- ընդգծել է նա։
Պետության ղեկավարն ընդգծել է, որ չնայած ԱՄՆ-ի, Իսրայելի և Իրանի միջև դիվանագիտական գործընթացի հաջողության հույսերը խաթարելու փորձերին՝ Թուրքիան շարունակելու է իր համառ և հետևողական աշխատանքն այս ուղղությամբ։
Էրդողանը նաև վստահեցրել է, որ Թուրքիան կշարունակի աջակցել ՄԱԿ-ն ավելի ներառական կառույցի վերածելու նախաձեռնություններին, քանի որ զարգացումը, խաղաղությունը և կայունությունն անհնար են առանց արդարադատության։