Միչիգանի նահանգային ոստիկանությունը հայտարարել է սինագոգում կրակոցների մասին։
«Ակտիվ հրաձգություն. մարտի 12-ին, ժամը 12:30-ին: Վայրը՝ Temple Israel: Միչիգանի նահանգային ոստիկանությունը տեղյակ է Արևմտյան Բլումֆիլդում տեղի ունեցած կրակոցների մասին», – հայտնել է ոստիկանությունը իր Ֆեյսբուքյան էջում։
ՀԴԲ տնօրեն Քեշ Պատելը, իր հերթին, հայտնել է, որ ոստիկաններն արդեն ժամանել են դեպքի վայր: Անհայտ հարձակվողը, ենթադրաբար, ներխուժել է սինագոգ և կրակ բացել։
Ավելի ուշ, Associated Press-ը՝ հղում անելով աղբյուրին, հայտնել է, որ ԱՄՆ-ի Միչիգան նահանգի ամենամեծ սինագոգի անվտանգության աշխատակիցները կրակել և սպանել են հրացանով զինված տղամարդու, որը մեքենայով մխրճվել էր շենքի մեջ։
Գործակալության աղբյուրի համաձայն՝ հարձակվողի մեքենան հրդեհվել է շենքին բախվելուց հետո։ Տեղում գտնվող անվտանգության աշխատակիցները կրակ են բացել հարձակվողի ուղղությամբ՝ մահացու վիրավորելով նրան։
Օքլենդ շրջանի շերիֆ Մայք Բուշարը պաշտոնապես հաստատել է, որ անվտանգության աշխատակիցները կրակ են բացել հարձակվողի վրա։ Հետաքննիչները աշխատում են զոհի ինքնությունը պարզելու և նրա դրդապատճառները պարզելու ուղղությամբ։