ԱՄՆ հետախուզական կառույցների գնահատմամբ՝ Իրանի կառավարությունը ներկայումս չի գտնվում փլուզման վտանգի առաջ՝ չնայած ԱՄՆ-ի և Իսրայելի կողմից իրականացվող հարվածներին։
Reuters գործակալության փոխանցմամբ՝ մի շարք հետախուզական զեկույցներ ցույց են տալիս, որ Իրանի իշխանությունը շարունակում է պահպանել վերահսկողությունը երկրի ներսում և մոտ ապագայում ռեժիմի անկման վտանգ չի դիտարկվում։
Աղբյուրների խոսքով՝ նույնիսկ Իրանի գերագույն առաջնորդ Ալի Խամենեիի սպանությունից հետո իշխանական համակարգը պահպանել է միասնականությունը, և կոշտ գծի առաջնորդները շարունակում են վերահսկել իրավիճակը։ Միաժամանակ նշվում է, որ իրավիճակը կարող է փոփոխվել, քանի որ պատերազմը դեռ շարունակվում է։