Իրանը թույլ է տվել Հնդկաստանի դրոշով նավթատարներին անցնել Հորմուզի նեղուցով՝ Հնդկաստանի արտգործնախարար Սուբրամանյամ Ջայշանկարի և Իրանի արտգործնախարար Աբբաս Արաղչիի միջև կայացած բանակցություններից հետո։ Քայլի նպատակն է պահպանել նեղուցով նավթի և բնական գազի փոխադրումների անվտանգությունը։
Աղբյուրների փոխանցմամբ՝ հնդկական «Pushpak» և «Parimal» նավթատարները արդեն անվտանգ անցել են նեղուցով, մինչդեռ ԱՄՆ-ի, եվրոպական և իսրայելական նավերի նկատմամբ սահմանափակումները շարունակում են պահպանվել։
Միաժամանակ Իրանը հարձակումներ է իրականացրել Հորմուզի նեղուցի և Պարսից ծոցի շրջանում գտնվող առևտրային նավերի վրա՝ սրելով իրավիճակը նավթով հարուստ տարածաշրջանում և մեծացնելով գլոբալ էներգետիկ մտահոգությունները։