Իրանը մեր լավ բարեկամն է, մեր հազարամյա հարևանը։ Այս մասին հայտարարել է ՀՀ վարչապետ Նիկոլ Փաշինյանը՝ Եվրոպական խորհրդարանում ելույթի ժամանակ:
«Իմ ներկայացրած դրական պատկերը ստվերվում է մեր կողքին տեղի ունեցող իրադարձություններով՝ Իրանի Իսլամական Հանրապետությունում և Մերձավոր Արևելքի մի շարք երկրներում։ Իրանը մեր լավ բարեկամն է, մեր հազարամյա հարևանը։ Դուք արդեն տեսել եք նաև մեր հարաբերությունների շրջանակը ԱՄՆ-ի հետ։ ԱՄէ-ն, Կատարը, Հորդանանը, Լիբանանը, Բահրեյնը, Սիրիան մեր լավ գործընկերներն են։ Մենք վերջերս պատմական քայլեր ձեռնարկեցինք Սաուդյան Արաբիայի հետ. հաստատեցինք դիվանագիտական հարաբերություններ։ Մենք ցավում ենք Մերձավոր Արևելքում տեղի ունեցողի համար։ Նման միջազգային ճգնաժամի ֆոնին մենք փոքր, համեստ պետություն ենք, և կարող ենք միայն աղոթել զոհերի հոգիների համար»։