Այսօր Ադրբեջանի Բիլաջարի երկաթուղային կայարանից ռուսական հացահատիկով բեռնված հերթական վագոնները կտեղափոխվեն Հայաստան։ Այս մասին հաղորդում են ադրբեջանական զլմ-ները՝ նշելով, որ խոսքը 11 վագոնից բաղկացած բեռնատար գնացքի մասին է։
Հաղորդագրության համաձայն՝ հացահատիկի ընդհանուր քաշը կազմում է 1023 տոննա։
Նշենք, որ վերջին յոթ վագոնից բաղկացած բեռնատար գնացքը դեպի Հայաստան էր ժամանել մարտի 9-ին՝ կրկին անցնելով Ադրբեջանի տարածքով։