Իրանի Իսլամական հեղափոխության պահապանների կորպուսը հայտարարել է Իսրայելի և Միացյալ Նահանգների օգտին լրտեսություն անելու կասկածանքով ևս 10 անձի ձերբակալման մասին։
«Մինչ այժմ ձերբակալվել են հարձակման վայրերը նկարահանած և թշնամական լրատվամիջոցներին նյութեր ուղարկած 10 թշնամիներ», – ասվում է ԻՀՊԿ-ի հայտարարության մեջ, որը մեջբերել է Իրանի պետական հեռարձակողը։
Ավելի վաղ Իսլամական Հանրապետության հետախուզության նախարարությունը հայտնել էր լրտեսության մեջ կասկածվող 30 անձի ձերբակալման մասին։