Մարտի 8-ի առավոտյան Բեյրութի վրա Իսրայելի հարձակման հետևանքով սպանվել են չորս իրանցի դիվանագետներ։ ՄԱԿ-ի գլխավոր քարտուղար Անտոնիո Գուտերեշին ուղղված նամակում այս մասին տեղեկացրել է համաշխարհային կազմակերպությունում Իրանի դեսպան Ամիր Սաիդ Իրավանին։
«2026 թվականի մարտի 8-ի, կիրակի, վաղ առավոտյան Իսրայելի ռեժիմը Բեյրութի «Ռամադա» հյուրանոցում իրականացրել է դիտավորյալ ահաբեկչական գործողություն, որի արդյունքում սպանվել են Իրանի Իսլամական Հանրապետության չորս դիվանագետներ», – ասվում է նամակի տեքստում, որը հասանելի է TASS-ին։
ՄԱԿ-ում Իրանի դեսպան Ամիր Սաիդ Իրավանին նամակում կոչ է արել Համաշխարհային կազմակերպության գլխավոր քարտուղար Անտոնիո Գուտերեշին դատապարտել Իսրայելին Բեյրութում չորս իրանցի դիվանագետների սպանության համար։
«Իրանի Իսլամական Հանրապետությունը կոչ է անում գլխավոր քարտուղարին և Անվտանգության խորհրդի անդամներին միանշանակ և անվերապահորեն դատապարտել Լիբանանում Իրանի Իսլամական Հանրապետության դիվանագետների դեմ այս նողկալի ահաբեկչական հարձակումը և ձեռնարկել անհրաժեշտ միջոցներ՝ այս հանցագործության մեղավորներին պատասխանատվության ենթարկելու համար, որը կատարվել է միջազգային իրավունքի կոպիտ խախտմամբ», – ասվում է նամակում։
Ամիր Սաիդ Իրավանին դիվանագետների սպանությունն անվանել է ռազմական հանցագործություն։
«Իսրայելի ռեժիմը կրում է այս ռազմական հանցագործության կատարման ամբողջական պատասխանատվությունը», – ասվում է տեքստում։