Թուրքիայի օդային տարածքի խախտումը չի կարող արդարացվել որևէ պատճառով, Իրանի նախագահ Մասուդ Փեզեշքիանի հետ հեռախոսազրույցում ասել է Թուրքիայի նախագահ Ռեջեփ Էրդողանը: Այս մասին հաղորդում են թուրքական լրատվամիջոցները:
Հեռախոսազրույցը կայացել է մարտի 9-ի երեկոյան, այն բանից հետո, երբ Իրանից արձակված բալիստիկ հրթիռը մտել էր Թուրքիայի օդային տարածք, խոցվել ՆԱՏՕ-ի պաշտպանության միջոցների կողմից։ Անկարան մարտի 4-ին կրկին մեղադրել էր Իրանին Թուրքիայի տարածք հրթիռ արձակելու մեջ: Իրանը հերքել էր իր կողմից Թուրքիայի ուղղությամբ հրթիռի արձակման մասին պնդումները։
«Թուրքիան կշարունակի ձեռնարկել բոլոր անհրաժեշտ միջոցները դրա դեմ», – Փեզեշքիանին ասել է Էրդողանը:
Նշվում է, որ նրանք քննարկել են տարածաշրջանային վերջին զարգացումները: Էրդողանը դեմ է արտահայտվել Իրանի դեմ գործողություններին:
