Իրանը հրթիռային հարվածներ է հասցրել ԱՄՆ գլխավորած կոալիցիայի՝ Իրաքյան Քրդստանում գտնվող «Հարիր» ավիաբազային, հայտնել է Իսլամական հեղափոխության պահապանների կորպուսը (ԻՀՊԿ):
«Իրաքյան Քրդստանի «Հարիր» բազայում գտնվող ամերիկյան ագրեսոր բանակի շտաբը ենթարկվել է հրթիռային հինգ հարձակման Իսլամական հեղափոխության պահապանների կորպուսի ցամաքային ուժերի կողմից», – ասվում է Իսլամական հեղափոխության պահապանների կորպուսի հայտարարության մեջ, որը մեջբերել է Իրանի պետական հեռարձակողը։
Իրանի զինված ուժերը չեն նշել, թե երբ է դա տեղի ունեցել։