6 մարտի 2026 – 15:37 AMT
PanARMENIAN.Net – Երևանի Արաբկիր վարչական շրջանում կրակոցներ արձակած անձը հայտնաբերվել և վնասազերծվել է, հայտնում է ՀՀ ՆԳՆ ոստիկանությունը։
Նա ձերբակալվել և ներկայացվել է նախաքննական մարմին։
Հաղորդագրության համաձայն՝ միջադեպի առնչությամբ ՆԳՆ քրեական ոստիկանության ծառայողները իրականացրել են օպերատիվ-հետախուզական միջոցառումներ։ Հայտնաբերվել է նաև հանցագործության գործիք հանդիսացող հրազեն:
Մարտի 6-ին կրակոցներ են հնչել Արաբկիր վարչական շրջանի Վիկտոր Համբարձումյան փողոցում, ինչի հետևանքով կա վիրավոր։ Նշվել էր, որ քրեական ոստիկանները դեպքի վայրում հայտնաբերել են մոտ 6 կրակված պարկուճ։
Ըստ տեղեկությունների՝ կրակոցները հնչել են ոչ միայն Վիկտոր Համբարձումյան 1 հասցեի մոտ, այլ նաև Բաղրամյան 68 շենքում գործող «Վիվառո»-ի դիմաց։