Ռուսաստանի գավաթի խաղարկության կիսաեզրափակչի առաջին խաղում գործող չեմպիոն «Կրասնոդարն» արտագնա խաղում 1-3 հաշվով զիջել է Մոսկվայի ԲԿՄԱ-ին։
Հանդիպման վերջնամասում հյուրերը մնացել են 10 հոգով, երկրորդ դեղին քարտից հետո հեռացվել է Ջովանի Գոնսալեսը։
Հայաստանի ազգային հավաքականի ավագ Էդուարդ Սպերցյանը խաղադաշտ է դուրս եկել 43-րդ րոպեին։ Հայաստանի հավաքականի պաշտպան Արտյոմ Բանդիկյանը հայտավորված էր բանակայինների կազմում, սակայն խաղադաշտ դուրս չի եկել։
Խաղին մարզադաշտից հետևել է նաև Հայաստանի ազգային հավաքականի գլխավոր մարզիչ Եղիշե Մելիքյանը։
Թիմերի միջև պատասխան հանդիպումը կկայանա մարտի 17-ին։