Իրանից արձակված հրթիռներն ու անօդաչու թռչող սարքերն ընկել են Ադրբեջանի անկլավ Նախիջևանի օդանավակայանի տարածքում
ԵՐԵՎԱՆ, 5 մարտի․/Նովոստի–Արմենիա/․ Իրանից արձակված հրթիռներն ու անօդաչու թռչող սարքերը հինգշաբթի օրն ընկել են Ադրբեջանի անկլավ Նախիջևանի օդանավակայանի տարածքում։
Այս մասին հայտնում է Reuters -ը՝ հղում անելով՝ Ադրբեջանի կառավարությանը մոտ կանգնած աղբյուրին:
Աղբյուրը հայտնել է, որ միջադեպի հետևանքով հրդեհ է բռնկվել՝ հավելելով, որ շուտով կհրապարակվի պաշտոնական հայտարարություն:
Նշվում է, որ առայժմ հայտնի չէ, թե կոնկրետ քանի հրթիռ և անօդաչու սարք է ընկել տվյալ տարածքում:
Աղբյուրի տրամադրած տեսանյութում երևում է, թե ինչպես է սև ծուխ բարձրանում Նախիջևանի միջազգային օդանավակայանի տերմինալի մոտակայքից, որը գտնվում է Իրանի հետ սահմանից մոտ 10 կմ (6 մղոն) հեռավորության վրա:
