Իրանը չի փակել Հորմուզի նեղուցը և շարունակում է համագործակցել անցնող նավերի հետ՝ համաձայն միջազգային արձանագրությունների, հայտարարել է «Խաթամ ալ-Անբիա» ռազմական հրամանատարության կենտրոնական շտաբի փոխհրամանատար Քայումարս Հեյդարին։
«Մենք չենք փակել Հորմուզի նեղուցը և մենք համագործակցում ենք դրանով անցնող նավերի հետ միջազգային արձանագրությունների համաձայն», – նրա խոսքերն է մեջբերել Իրանի պետական հեռարձակողը։
Հորմուզի նեղուցը կապում է Պարսից ծոցը Օմանի ծոցի և Արաբական ծովի հետ։ Այն Պարսից ծոցի երկրներից և Իրանից համաշխարհային նավթի և հեղուկացված բնական գազի մատակարարման հիմնական ուղի է, որը կազմում է համաշխարհային նավթի, նավթամթերքի և հեղուկացված բնական գազի մատակարարումների մոտ 20%-ը։