Անօդաչու թռչող սարքերի զինանոցը թույլ կտա Թեհրանին շարունակել պատասխան հարվածները, նույնիսկ եթե նրա հրթիռային պաշարները սպառվեն։ Այս մասին հաղորդել է The Wall Street Journal (WSJ)-ը՝ հղում անելով արևմտյան պաշտոնյաներին։
Հրապարակման աղբյուրներից մեկի համաձայն՝ իրանական հրթիռների արձակման հաճախականությունը նվազում է, և դրանց ներկայիս ինտենսիվությամբ Իրանը կարող է պահպանել հրթիռային հարվածներ հասցնելու հնարավորությունը ևս մի քանի օր։ Սակայն նշվում է, որ Թեհրանը դեռ կկարողանա շարունակել պատասխան հարվածները՝ օգտագործելով ավելի էժան զենքի համակարգեր, ինչպիսիք են անօդաչու թռչող սարքերը։
Ավելի վաղ Իսլամական Հանրապետության գերագույն առաջնորդի խորհրդական Մոհամմադ Մոխբերը հայտարարել էր, որ Իրանը պատրաստ է շարունակել պատերազմը այնքան ժամանակ, որքան անհրաժեշտ է։