Մեծ Բրիտանիան չի բացառում Մերձավոր Արևելք զորքեր ուղարկելու և Իրանի դեմ ԱՄՆ հարվածներին միանալու հնարավորությունը։ Այս մասին հայտնել է The i թերթը (Daily Mail և General Trust մեդիա խմբի մաս կազմող)՝ հղում անելով աղբյուրներին։
«Մենք ոչինչ չենք բացառում», – հրատարակությանն ասել են անանուն արևմտյան պաշտոնյաները։ Նրանք նշել են, որ ներկայումս նման ծրագրեր չկան, բայց նշել են, որ իրավիճակը արագ փոխվում և զարգանում է։
Թերթը որպես Լոնդոնի համար տարբերակ է նշում Հորմուզի նեղուցով անցնող առևտրային նավերի ուղեկցումը։
The Guardian-ը պարզաբանում է, որ սա կարող է ենթադրել Մեծ Բրիտանիայի միացումը իրանական բալիստիկ հրթիռների պահեստավորման վայրերի վրա հարվածներին։ «Ես ոչինչ չէի բացառի, քանի որ մենք չգիտենք, թե ինչ է պատահելու օրեցօր, շաբաթ առ շաբաթ, երբ սա (Իրանում ռազմական գործողությունը – խմբ) զարգանա», – թերթը ամբողջությամբ մեջբերում է անանուն արևմտյան պաշտոնյային։
Հրապարակման աղբյուրների համաձայն, Իրանը կարող է բավարար բալիստիկ հրթիռներ ունենալ՝ ռազմական գործողությունների ներկայիս ինտենսիվության պայմաններում ևս մի քանի օր արձակելու համար։
Մինչդեռ, Մեծ Բրիտանիայի վարչապետ Քիր Սթարմերը վերջին օրերին բազմիցս հայտարարել է, որ Լոնդոնը չի մասնակցում ԱՄՆ-ի և Իսրայելի կողմից Իսլամական Հանրապետության դեմ ուղղված հարվածներին՝ իրավական հիմքի բացակայության պատճառով։