Իրանական քրդական զինված խմբավորումները խորհրդակցություններ են անցկացնում Միացյալ Նահանգների հետ՝ Իրանի արևմտյան հատվածում անվտանգության ուժերի վրա հնարավոր հարձակումների վերաբերյալ։
Իրաքյան Քուրդիստանում տեղակայված կոալիցիան նպատակ ունի թուլացնել երկրի ռազմական ներուժը և պայմաններ ստեղծել համաժողովրդական ապստամբության համար՝ օգտվելով այն իրավիճակից, երբ ԱՄՆ-ի և Իսրայելի օդային հարվածների հետևանքով սպանվել են գերագույն առաջնորդ Ալի Խամենեին ու Իրանի այլ բարձրաստիճան պաշտոնյաներ։
Reuters-ը գրում է, որ քրդական ուժերը դիմել են Վաշինգտոնին ռազմական աջակցության և Կենտրոնական հետախուզական վարչության (ԿՀՎ) միջոցով զենքի մատակարարման խնդրանքով։ Թեև գործողության վերջնական որոշումը դեռ չի կայացվել, հաղորդվում է, որ նախագահ Թրամփն արդեն հեռախոսազրույց է ունեցել Իրաքյան Քուրդիստանի առաջնորդների հետ։
Սպիտակ տունը, Պենտագոնը և ԿՀՎ-ն առայժմ հրաժարվում են պաշտոնական մեկնաբանություններից, սակայն աղբյուրները հաստատում են, որ Էրբիլում և Բաղդադում ակտիվ քննարկումներ են ընթանում։