ԱՄՆ-ի և Իսրայելի հարվածների հետևանքով առնվազն 700 իրանցի է զոհվել, հայտնել է Իսլամական Հանրապետության Իսլամական հեղափոխության պահապանների կորպուսի մամուլի ծառայությունը։
«Վերջին չորս օրերի ընթացքում ԱՄՆ հանցագործ բանակը և սիոնիստական ռեժիմը, հակառակ իրանական ռազմական օբյեկտների վրա հարձակումների և դրանց վնաս հասցնելու մասին իրենց կեղծ պնդումներին և քարոզչությանը, մի շարք վախկոտ հարձակումներ են իրականացրել դպրոցների, հիվանդանոցների, մարզադաշտերի, ռեստորանների և հարսանյաց սրահների վրա՝ բնակչության շրջանում վախ և խուճապ առաջացնելու նպատակով, որի արդյունքում զոհվել է ավելի քան 700 անմեղ իրանցի քաղաքացի և վիրավորվել են շատ շատերը», – մեջբերում է ՏԱՍՍ-ը Իրանի պետական հեռարձակողը հայտարարությունը։
ԻՀՊԿ-ն հայտարարել է, որ «այս հանցագործություններից և անմեղների սպանություններից ոչ մեկը անպատասխան չի մնա»: «ԱՄՆ-ի և օկուպացիոն ռեժիմի դեմ պատերազմը կշարունակվի ավելի բարձր մակարդակով», – հավելել է ԻՀՊԿ-ն։
Իսրայելն ու ԱՄՆ-ն փետրվարի 28-ին հայտարարել էին Իրանի դեմ լայնածավալ մարտական գործողություններ սկսելու մասին: Ի պատասխան՝ Իրանը հայտարարել էր Իսրայելի և տարածաշրջանում ամերիկյան թիրախների դեմ հրթիռային գործողության մեկնարկի մասին: Մարտի 1-ին Իրանը հաստատել էր Գերագույն հոգևոր առաջնորդ այաթոլլա Ալի Խամենեիի մահը:
