Նեթանյահու՝ «Հեզբոլլահի» և Իրանի դեմ հարվածների մասին Իսրայելի վարչապետ Բենիամին Նեթանյահուն հայտարարել է, որ Իսրայելը կուժեղացնի հարձակումները շիական «Հեզբոլլահ» խմբավորման և Իրանի վրա։
«Հեզբոլլահը սխալ է թույլ տվել՝ հարձակվելով մեզ վրա։ Մենք արդեն հզոր հարված ենք հասցրել և կպատասխանենք ավելի հզոր հարվածով», – նշել է Նեթանյահուն։
Նա պնդել է, որ «Հեզբոլլահը» Լիբանանին ներքաշում է հակամարտության մեջ՝ Իրանի նախկին գերագույն առաջնորդ Ալի Խամենեիի հետ ունեցած հարաբերությունների պատճառով։
Ավելի վաղ Լիբանանի նախագահ Ջոզեֆ Աունը հրամայել էր բանակին չդիմադրել Իսրայելի պաշտպանության բանակին, եթե Թել Ավիվը սկսի երկրի դեմ ցամաքային գործողություն։ Նա դա բացատրել է լիբանանցի զինվորների կյանքը վտանգելու դժկամությամբ, քանի որ «ինչ-որ մեկը որոշել է երկիրը պատերազմի մեջ ներքաշել»։