Meta կորպորացիայի հիմնադիր Մարկ Ցուկերբերգը և նրա կինը՝ Պրիսցիլա Չանը 170 միլիոն դոլարով առանձնատուն են ձեռք բերել Ֆլորիդայի հարավում գտնվող Ինդիան Քրիք արհեստական կղզում, որը հայտնի է որպես «միլիարդատերերի բունկեր»։ Գործարքը համարվում է Մայամիի պատմության մեջ ամենաթանկը։
Գործակալության փոխանցմամբ՝ վաճառողների ներկայացուցիչները կարծիք են հայտնել, որ շուկայում առկա առաջարկներն ու բարձրարժեք գույքի պահանջարկը կարող են առաջիկայում ավելացնել 100 միլիոն դոլարը գերազանցող գործարքների թիվը։
Ինդիան Քրիք արհեստական կղզին գտնվում է Մայամի-Դեյդ շրջանում և ստեղծվել է 20-րդ դարի սկզբին։ Կղզու տարածքը կազմում է մոտ 120 հա։ «Միլիարդատերերի բունկերում» անշարժ գույք ունեն նաև Ջեֆ Բեզոսը, Ջարեդ Քուշները և ֆինանսիստ Կարլ Այկանը։