Չինաստանը կոչ է անում բոլոր կողմերին ապահովել Հորմուզի նեղուցում նավագնացության անվտանգությունը և կանխել համաշխարհային տնտեսության վրա ցանկացած բացասական ազդեցություն, երեքշաբթի օրը ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Մաո Նինգը։
Ավելի վաղ Bloomberg-ը՝ աղբյուրներին հղում անելով, հայտնել էր, որ գազային ընկերությունների ղեկավարները հայտնել են, որ Չինաստանի իշխանությունները խնդրել են իրանցի պաշտոնյաներին չձեռնարկել որևէ գործողություն, որը կարող է խաթարել երկրի էներգամատակարարումը Հորմուզի նեղուցով։
«Էներգետիկ անվտանգությունը չափազանց կարևոր է համաշխարհային տնտեսության համար, և բոլոր կողմերը պատասխանատվություն են կրում էներգետիկ ռեսուրսների կայուն և անխափան մատակարարումն ապահովելու համար», – ասել է Մաո Նինգը՝ մեկնաբանելով գործակալության զեկույցը։