Հայաստանն առաջին ոսկե մեդալներն է նվաճել Երևանում ընթացող Եվրոպայի առաջնությունում
ԵՐԵՎԱՆ, 2 մարտի․/Նովոստի-Արմենիա/․ Հայաստանն առաջին ոսկե մեդալներն է նվաճել Երևանում ընթացող Եվրոպայի առաջնությունում։
Ինչպես տեղեկացնում է ՀՀ Հրաձգության ֆեդերացիան, շարժվող թիրախ նորմալ վազք կանանց եզրափակիչում մրցեցին Հայաստանի երկու ներկայացուցիչները` Լիլիթ Մկրտչյանն ու Գոհար Հարությունյանը:
Եվրոպայի առաջնությունում 4-րդ անգամ չեմպիոն դարձավ Լիլիթ Մկրտչյանը, ով եզրափակիչում 8:6 հաշվով առավելության հասավ Գոհար Հարությունյանի նկատմամբ:
Այս վարժությունում երրորդն Ուկրաինայի ներկայացուցիչ Մարգարիտա Կարկանին է: ⠀
Տղամարդկանց պայքարում ոսկե, արծաթե ու բրոնզե մեդալների հաջորդաբար արժանացան շվեդ Զեսպեր Նիբերգը, լեհ Լուկաս Սզապլան ու ֆին Յուհանի Վուրիման:
Երիտասարդ տղաների պայքարում ոսկու արժանացավ ֆին Էրիկ Վիլկմանը, արծաթի` ուկրաինացի Դմիտրո Կրավեցը և բրոնզի` Ռոման Բերեզիցսկին: ⠀ Երիտասարդ աղջիկների պայքարում ոսկին ու արծաթը նվաճեցին Հայաստանի երկու ներկայացուցիչները` Լիլիթ Մկրտչյանն ու Անահիտ Սարգսյանը: Երրորդը Ալինա Կտալկանն է:
Հայաստանը հյուրընկալել է Սպորտային հրաձգության Եվրոպայի մեծահասակների առաջնությունը:
Առաջնությունը անցկացվում է փետրվարի 27-ից մարտի 5-ը Կ. Դեմիրճյանի անվան մարզահամերգային համալիրում:
Առաջնության շրջանակում խաղարկվում է մեդալների 70 հավաքածու։
