Մոտ 200 իսրայելական կործանիչներ միաժամանակ մասնակցել են Իրանի վրա հարձակմանը, ինչը նշանավորել է Իսրայելի ռազմաօդային ուժերի կողմից երբևէ իրականացված ամենամեծ մարտական գործողությունը։ Այս մասին հայտնել է Իսրայելի պաշտպանության ուժերի (IDF) մամուլի ծառայությունը։
Հայտարարության մեջ նշվում է, որ այս զանգվածային ավիահարվածի հիմնական թիրախներն էին հրթիռային կայանքները և պաշտպանական համակարգերը Իրանի արևմտյան և կենտրոնական հատվածներում։ «Սա Իսրայելի ռազմաօդային ուժերի պատմության մեջ ամենամեծ ռազմական թռիչքն է, որը իրականացվել է մանրակրկիտ պլանավորման և բարձրորակ հետախուզության հիման վրա», – հայտարարել է ԻՊՈՒ-ն։