Մարդը դժվարին և վտանգավոր պահերին է ցույց տալիս իր իսկությունը: Այդ ժամանակ է հնարավոր գնահատել մարդու պահվածքն ու բնութագրել նրա իրական նպատակները:
Այսօր Իրանի վրա հարձակում եղավ, որի մասին խոսում են բոլորը:
Հայաստանի ՀՀ Անվտանգության խորհրդում տեղի է ունեցել նիստ՝ ՀՀ իրավասու գերատեսչությունների ներկայացուցիչների մասնակցությամբ, որի ընթացքում քննարկվել է Մերձավոր Արևելքում ստեղծված իրավիճակը։
Նշվել է, որ «… աշխատանքներ են տարվում ստեղծված իրավիճակի հնարավոր հետևանքները Հայաստանի համար կառավարելու ուղղությամբ…»։
Թվում է, թե այս լուրի մեջ ոչ մի տարօրինակ բան չկար:
Այդպես կլիներ, եթե այդ հանդիպմանը մասնակցեր նաև գործող վարչապետը:
Սակայն պարզվում է, Փաշինյանին այս հարցը ամենավերջում է հետաքրքիր:
Նա չի մասնակցել ԱԽ-ի այս աշխատանքներին, քանի որ … զբացված է եղել նախընտրական արշավով: Նա մեկնել է մարզեր՝ հանդիպելու համար քաղաքացիների հետ:
Միայն այս փաստը ցույց է տալիս Փաշինյանի իրական դիմագիծը:
Նույնիսկ իր կողմնակիցների համար պիտի պարզ լիներ, որ այս մարդուն ավելի հետաքրքիր է իր, այլ ոչ թե՝ Հայաստանի ճակատագիրը:
Միայն սույն փաստն արձանագրելուց հետո, կարելի է ասել՝ Փաշինյանն ակամայից ցույց տվեց, թե ինչ մեծ տարբերություն ունեն իր համար իր անձնական և երկրի շահերը:
Սա է իրականությունը:
Դավիթ Մկրտչյան
Zham.am