ԱՄՆ-ի հետ բանակցությունների ընթացքում Իրանը համաձայնել է հրաժարվել հարստացված ուրանի բոլոր պաշարներից, ինչը Վաշինգտոնի գործարքի հիմնական պահանջներից մեկն է, հայտարարել է Օմանի արտաքին գործերի նախարար Բադր ալ-Բուսաիդին։
Վերջինս նպաստել է Իրանի և ԱՄՆ-ի պատվիրակությունների միջև հաղորդագրությունների փոխանակմանը իրանական միջուկային հարցի շուրջ Իրան-ԱՄՆ խորհրդակցությունների երրորդ փուլի ընթացքում, որն ավարտվել է հինգշաբթի։
«Իրանի հարստացված ուրանի ներկայիս պաշարների վերաբերյալ, կարծում եմ, որ արդեն համաձայնություն է ձեռք բերվել, որ դրանք վերամշակվեն հնարավորինս նվազագույն՝ չեզոք, բնական մակարդակով։ Այսինքն՝ դրանք կվերածվեն վառելիքի», – CBS-ին տված հարցազրույցում ասել է նախարարը։