Վարչապետ Նաուաֆ Սալամ յայտնեց, որ պետութիւնը առաջին անգամ ըլլալով վերականգնեց իր վերահսկողութիւնը հարաւային Լիբանանի վրայ, բացի այն դիրքերէն, զորս Իսրայէլ տակաւին բռնագրաւուած կը պահէ: Ան պետութեան վերահսկողութեան վերականգնումը որակեց «պատմական իրադարձութիւն»:
Սալամ Լիբանանի պետական պատկերասփիւռի կայանին յայտնեց, որ կառավարութիւնը կարող է զէնքի մենաշնորհման ծրագիրի փուլը 4 ամիսէն գործադրել, եթէ յարմար պայմանները ապահովուին:
Ան աւելցուց, որ Լիբանանը Իրանէն աջակցութեան չի կարօտիր, եւ ընդգծեց, որ երկիրը տարիներու կը կարօտի «Կազայի թիկունք կանգնելու արկածախնդրութեան» հետեւանքները թօթափելու համար:
Սալամ նշեց, որ իր նպատակը կը նոյնացուի Լիբանանի նախագահ Ժոզեֆ Աունի նպատակին, հակառակ ոճի եւ ենթահողի տարբերութեան:
Վարչապետը հերքեց ամերիկեան դժգոհութեան գոյութիւնը` նշելով, որ բանակին 180 միլիոն տոլար, իսկ ներքին ապահովութեան ուժերուն 40 միլիոն տոլար յատկացուած է, ինչ որ զինեալ ուժերուն նկատմամբ աջակցութեան եւ վստահութեան արտացոլացում է: