Ներքին գործոց եւ քաղաքապետութիւններու հարցերու նախարար Ահմետ Հաժժար «Էմ.Թի.Վի.» պատկերասփիւռի կայանին յայտնեց. «Խորհրդարանական ընտրութիւններու իրենց ժամկէտին կայացման հաւանականութիւնը բարձրացաւ, եւ մինչեւ երէկ երեկոյ թեկնածուներուն թիւը հասաւ 30-ի»:
«Ներքին գործոց եւ քաղաքապետութիւններու հարցերու նախարարութիւնը ընտրութիւնները յետաձգելու որեւէ պահանջ չստացաւ, եւ անոնք իրենց ժամկէտին լաւագոյն կերպով տեղի պիտի ունենան», նշեց նախարարը: