25 փետրվարի 2026 – 18:17 AMT
PanARMENIAN.Net – Թեհրանում գտնվող ՀՀ պաշտպանության նախարար Սուրեն Պապիկյանը Իրանի ազգային անվտանգության գերագույն խորհրդի քարտուղար Ալի Լարիջանիի հետ հանդիպմանը քննարկել է տարածաշրջանային անվտանգության և կայունությանն առնչվող հարցերը:
Պապիկյանը կարևորել է Իրանի շուրջ ստեղծված իրավիճակը դիվանագիտական ճանապարհով լուծելու անհրաժեշտությունը։ Զրուցակիցներն անդրադարձել են նաև Հայաստանի և Իրանի շուրջ ստեղծված անվտանգային միջավայրին:
Անդրադարձ է եղել նաև Հայաստան-Իրան երկկողմ համագործակցության ընթացքին և դրա զարգացման հեռանկարներին։
Պապիկյանը և Իրանի նախագահ Մասուդ Փեզեշքիանը Թեհրանում տեղի ունեցած հանդիպմանը ընդգծել են Հայաստանի և Իրանի միջև բարձր մակարդակի հարաբերությունների շարունակական զարգացման, ինչպես նաև տարածաշրջանում խաղաղության և կայունության ամրապնդման կարևորությունն ու անհրաժեշտությունը: Պապիկյանն Իրանի նախագահին է փոխանցել Հայաստանի վարչապետ Նիկոլ Փաշինյանի ջերմ ողջույնը։