Երէկ Ժընեւի մէջ` ՄԱԿ-ի Մարդկային իրաւունքներու խորհուրդի 61-րդ նստաշրջանի ծիրին մէջ, Հայաստանի Հանրապետութեան արտաքին գործոց նախարարի տեղակալ Ռոպերթ Աբիսողոմեան հանդիպում ունեցած է Ազրպէյճանի արտաքին գործոց նախարարի տեղակալ Էլնուր Մամատովի հետ: Այս մասին կը հաղորդէ Հայաստանի Հանրապետութեան արտաքին գործոց նախարարութիւնը:
Հանդիպումը տեղի ունեցած է ի շարունակութիւն քաղաքական բարձր մակարդակով տեղի ունեցած հաղորդակցութիւններու:
Զրուցակիցները քննարկած են բազմակողմ հարթակներու վրայ եւ միջազգային կազմակերպութիւններու ծիրին մէջ վստահութեան ամրապնդման ուղղուած հաւանական քայլերը: