Ֆրանսիայի նախագահ Էմանուել Մակրոնը ընդունել է Լուվրի թանգարանի տնօրեն Լորանս դը Կարի հրաժարականը. հայտնել է Եղիսեյան պալատը։
Դը Կարը նախկինում արդեն փորձել էր հրաժարական տալ անցյալ տարվա հոկտեմբերին տեղի ունեցած աղմկահարույց գողությանց հետո։ Այն ժամանակ թանգարանից գողացել էին 90 միլիոն եվրո արժողությամբ զարդեր։
Լուվրի տնօրենին նշանակում է պետության ղեկավարը՝ մշակույթի նախարարի առաջարկով, և հենց նա էլ ընդունում կամ մերժում է հրաժարականի դիմումը։
Առաջին հրաժարականի դիմումը Լորանս դը Կարը ներկայացրել էր հոկտեմբերի 21-ին՝ գողությունից ընդամենը երկու օր անց։ Սակայն, ինչպես այն ժամանակ Մակրոնը մերժել էր այդ դիմումը՝ հղում անելով թանգարանի վերանորոգման և վերակառուցման նախապատրաստական աշխատանքներին։
Այդ ժամանակ նախագահը անձնական նամակով խնդրել էր դը Կարին «դիմացկուն մնալ և խուսափել այնպիսի քայլերից, որոնք կարող են խաթարել թանգարանի վերակառուցման նախատեսված ընթացքը»։
Ֆրանսիական մամուլը նշում էր, որ Լորանս դը Կարը վայելում է նախագահի լայն աջակցությունը։ Ներկայումս պարզ չէ, թե ինչն է ստիպել Մակրոնին ընդունել նրա երկրորդ հրաժարականի դիմումը։