21 Փետրվարի 2026, 11:50
Համառուսական դպրոցականների օլիմպիադայի ճշգրիտ գիտությունների տարածաշրջանային փուլի արդյունքներով Պյատիգորսկի աշակերտներ Արտյոմ Աղաջանյանը, Էռնեստ Սարգսյանը և Գեորգի Երիցյանը դարձել են ինֆորմատիկայի և մաթեմատիկայի մրցանակակիրներ։
Այս մասին տելեգրամյան իր ալիքում հայտնել է Պյատիգորսկի քաղաքապետ Դմիտրի Վորոշիլովը։
Արտյոմ Աղաջանյանը, ով սովորում է Ա. Մ. Դուբիննոյի անվան թիվ 5 դպրոցում, դարձել է ճշգրիտ գիտությունների օլիմպիադայի տարածաշրջանային փուլի մրցանակակիր։
Մաթեմատիկայի մրցանակակիրներ են ճանաչվել թիվ 12 դպրոցի սան Էռնեստ Սարգսյանը և թիվ 5 դպրոցի աշակերտ Գեորգի Երիցյանը։
Ավանդաբար տարածաշրջանային փուլում անցկացվում են ֆիզիկայի երկու օլիմպիադաներ՝ Համառուսական դպրոցականների օլիմպիադան և Ջ. Ք. Մաքսվելի անվան օլիմպիադան։ Այս տարի Ջ. Ք. Մաքսվելի անվան օլիմպիադայի մրցանակակիր է դարձել թիվ 16 դպրոցի աշակերտ Պարգև Սարգսյանը։
