ԱՄՆ նախագահը ստորագրել է գործադիր հրամանագիր, որով լրացուցիչ 10% մաքսատուրք է սահմանվում «բոլոր երկրների համար»։ Նա այս մասին հայտարարել է իր Truth Social սոցիալական ցանցի էջում։
«Խորապես պատիվ եմ համարում հայտարարել, որ հենց նոր Օվալաձև սենյակից ստորագրեցի բոլոր երկրների համար գլոբալ 10% մաքսատուրքի մասին հրամանագիրը, որն ուժի մեջ կմտնի անմիջապես», – ասվում է գրառման մեջ։
Նախորդ երեկոյան ԱՄՆ Գերագույն դատարանը որոշել էր, որ Թրամփի կողմից «Արտակարգ իրավիճակների կառավարման մասին» օրենքի միջոցով սահմանված մաքսատուրքերը անօրինական են։ Դատարանը եզրակացրել է, որ նախագահը գերազանցել է իր լիազորությունները՝ օրենքը կիրառելով մաքսատուրքերը կիրառելու համար։
Այնուհետև Թրամփը հայտարարել է, որ բոլոր մաքսատուրքերը «մնում են ուժի մեջ»։ Նա նաև հայտարարել էր, որ կստորագրի գործադիր հրամանագիր, որով արդեն իսկ գործող մաքսատուրքերից բացի կսահմանվի 10% համաշխարհային մաքսատուրք։