Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Շվեդիայի իշխանությունները խորհուրդ են տվել իրենց քաղաքացիներին հնարավորինս շուտ լքել Իրանը՝ տարածաշրջանում իրավիճակի սրման վտանգի պատճառով։
Երկրի արտաքին գործերի նախարարությունը նախազգուշացում է տարածել, որում ընդգծվում է, որ հակամարտության կտրուկ սրման դեպքում կարող է սահմանափակվել տեղաշարժը, ուստի շվեդներին խորհուրդ է տրվում չհետաձգել իրենց մեկնումը։ Երկրում մնացածներին խորհուրդ է տրվում ցուցաբերել ծայրահեղ զգուշություն և ուշադիր հետևել պաշտոնական հայտարարություններին։
Ավելի վաղ Գերմանիայի արտաքին գործերի նախարարությունը կոչ էր արել իր քաղաքացիներին անհապաղ լքել Իրանը։ Ընդգծվել էր, որ Թեհրանում Գերմանիայի դեսպանատունը ներկայումս կարող է գերմանացի քաղաքացիներին տրամադրել միայն չափազանց սահմանափակ հյուպատոսական աջակցություն, և, հետևաբար, իրենց անվտանգությունն ապահովելու համար նրանք պետք է լքեն Իսլամական Հանրապետությունը։
Հետևեք մեզ՝ այստեղ