Երևանում շուրջ 40 հասցեներում խուզարկություններ են իրականացվում։ Այդ մասին ԶԼՄ-ներին հայտնում են ՆԳՆ-ից։
ՆԳՆ Քրեական ոստիկանության ծառայողները Քննչական կոմիտեի ծառայողների հետ մայրաքաղաքի շուրջ 40 հասցեներում իրականացնում են խուզարկություններ։ Խուզարկությունները նախօրեին Աջափնյակում տեղի ունեցած միջադեպի վերաբերյալ վարույթով են իրականացվում։
Փետրվարի 18-ին Աջափնյակում տեղի ունեցած սպանության, սպանության փորձի, խուլիգանության, հրազենի ապօրինի շրջանառության դեպքերի առթիվ նախաձեռնված քրեական վարույթի նախաքննության ընթացքում իրականացվում են քննչական գործողություններ: Հայտնել են Քննչական կոմիտեից։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: