Շարունակելով փոսալցման թեման՝ լրագրողներից մեկը հիշեցրեց գործակարգավարական վերջին խորհրդակցության ժամանակ քաղաքապետ Տիգրան Ավինյանի նկատողությունը՝ ուղղված Շենգավիթի թաղապետին: «Ակնհայտորեն, քաղաքապետի առաջադրանքն էլ չէին կատարել»,- հնչեցրեց լրագրողը: Փոխքաղաքապետ Արմեն Փամբուխչյանն ասաց, որ ցանկացած մարդ, պաշտոնյա, ունեն թերացումներ. «Շիրակի փողոցում, այնուամենայնիվ, ժամանակավոր փոսալցումներ իրականացվել էին… Բնականաբար, եթե թերացումներից խոսենք, բոլորս էլ ունենք: Ֆորս մաժորային իրավիճակ է եղել. նախապատրաստվածությունն այնպիսին էր, այնպես էր պլանավորած, որ պետք է այս աշխատանքները սկսենք մարտի մեկից տասն ընկած հատվածում, բայց եղել է այնպես, որ խնդիր է առաջացել, որ սկսել ենք փետրվարի տասնհինգից»,- հավելեց փոխքաղաքապետը: