Ֆրանսիայի նախագահ Էմանուել Մակրոնը կայցելի Հայաստան

ԵՐԵՎԱՆ, 20 փետրվարի․/Նովոստի–Արմենիա/․ Ֆրանսիայի նախագահ Էմանուել Մակրոնը մայիսի 4-ին կայցելի Հայաստան։ Այս մասին հայտնել է Ֆրանսիայում ՀՀ պատվավոր հյուպատոս Դենիս Ջորկաեֆը:

«Հանրապետության նախագահ Էմանուել Մակրոնը մայիսի 4-ին երկօրյա այցով կժամանի Հայաստան: Նա կհանդիպի (Հայաստանի վարչապետ – խմբ.) Նիկոլ Փաշինյանի հետ և Երևանում կմասնակցի Եվրոպական քաղաքական համայնքի գագաթնաժողովին», – գրել է նա Linkedin-ի իր էջում:

Եվրոպական քաղաքական համայնքի 8-րդ գագաթնաժողովը նախատեսվում է անցկացնել Երևանում 2026 թվականի մայիսի 4-ին։