20 փետրվարի 2026 – 12:20 AMT
PanARMENIAN.Net – Ֆուտբոլի Կոնֆերենցիաների լիգայի անցումային փլեյ-օֆֆի առաջին խաղում Հայաստանի չեմպիոն «Նոան» Երևանում 1:0 հաշվով հաղթել է նիդերլանդական «ԱԶ Ալկմարին»։
Միակ գոլի հեղինակ է դարձել Հայաստանի ազգային հավաքականի պաշտպան Հովհաննես Համբարձումյանը:
Պատասխան խաղը կայանալու է փետրվարի 26-ին Նիդերլանդներում։ «Նոայի» և «ԱԶ Ալկմարի» զույգի հաղթողը 1/8 եզրափակիչում մրցելու է Աթենքի ԱԵԿ-ի (Հունաստան) կամ Պրահայի «Սպարտայի» (Չեխիա) դեմ։
Խաղից առաջ «Նոայի» գլխավոր մարզիչ Սանդրո Պերկովիչը խոստացել էր, որ թիմն ամեն ինչ կանի հայ երկրպագուներին ուրախացնելու համար:
«Նոան» առաջին հայկական ակումբն է, որը հանդես է գալիս եվրագավաթների փլեյ-օֆֆում։