Ֆուտբոլի Հայաստանի չեմպիոն եւ գավաթակիր «Նոան» Կոնֆերենցիաների լիգայի անցումային փլեյ-օֆֆի առաջին խաղում ընդունեց հոլանդական «ԱԶ Ալկմարին»։
Երևանի Վազգեն Սարգսյանի անվան «Հանրապետական» ստադիոնում տեղի ունեցած խաղում 1:0 հաշվով հաղթեց երևանյան թիմը։
Խաղի ճակատագիրը վճռեց 53-րդ րոպեին Հովհաննես Համբարձումյանի հուժկու հարվածով խփած միակ գոլը։
Թիմերի միջև վճռորոշ պատասխան հանդիպումը կկայանա Նիդերլանդներում՝ փետրվարի 26-ին՝ Երևանի ժամանակով կեսգիշերին։