Բաքվում անցկացվող «Գործընկերության հմտությունների նախաձեռնություն 2026» ուսումնական դասընթացի շրջանակներում Ադրբեջանի պաշտպանության նախարարության գլխավոր վարչության պետ, գեներալ-լեյտենանտ Ազեր Ալիևը և նախարարության մասնագետները հանդիպել են ՆԱՏՕ-ի շարժական ուսումնական խմբի անդամների հետ։
Պաշտպանության նախարարության տվյալներով՝ շարժական ուսումնական խմբի փորձագետները նախ ներկայացրել են ՆԱՏՕ-ի և ուսումնական դասընթացի փուլերի մասին տեղեկատվություն։
Մասնակիցները ընդգծել են ուսումնական դասընթացի շրջանակներում անցկացված քննարկումների և վարժանքների կարևորությունը, ինչպես նաև ներդաշնակության և համագործակցության կարևորությունը ներկայիս և արագ փոփոխվող անվտանգության միջավայրում։