Եթե քաղաքացին կենսաթոշակը կամ նպաստը վճարող կազմակերպությունը փոխելու վերաբերյալ դիմում չի ներկայացնում մինչև 2026 թ․ մարտի 5-ը, ապա վճարող կազմակերպության ընտրությունը կկատարվի ինքնաշխատ եղանակով։
Մարտի 5-ից ապրիլի 1-ն ընկած ժամանակահատվածում բանկի փոփոխության դիմումներ չեն ընդունվի։
2026 թ․ ապրիլի 1-ից հետո դիմում ներկայացնելու դեպքում՝ բանկի փոփոխությունը կկատարվի ընդհանուր կարգով։
Բանկի կողմից սուրհանդակային ծառայության միջոցով կառաքվեն բացառապես տեղաշարժման սահմանափակում ունեցող քաղաքացիների քարտերը։
Կենսաթոշակի և նպաստի քարտերով անկանխիկ գործարքներ կատարելու դեպքում՝ քաղաքացիները հնարավորություն ունեն ստանալ մինչև 20 % հետվճար (մինչև 10,000 դրամ)։ Հունվար ամսվա տվյալներով՝ հետվճարի ծրագրից արդեն իսկ օգտվում է 415 228 քաղաքացի, որոնց ընդհանուր առմամբ փոխանցվել է 2,9 մլրդ դրամ հետվճար․ հունվար ամսվա դրությամբ՝ միջին հետվճարի չափը կազմել է շուրջ 7000 դրամ։