Երևանի Աջափնյակ թաղամասում կրակոցների հետևանքով «Արմենիա» բժշկական կենտրոն է տեղափոխվել 7 մարդ. Radar Armenia-ն տեղեկացավ «Արմենիա» ԲԿ-ի փոխտնօրեն Աշոտ Կուրղինյանից։
«Նրանցից մեկը, ցավոք, մահացել է, երկուսի վիճակը ծայրահեղ ծանր է, մյուսներին ցուցաբերվում է համապատասխան բուժօգնություն»,-ասաց նա։
Ավելի ուշ տեղեկություններ է հայտնել նաև ՀՀ առողջապահության նախարարությունը՝ նշելով, որ հիվանդանոց է տեղափոխվել 7 քաղաքացի․ «Երեքի առողջական վիճակը գնահատվում է ծայրահեղ ծանր, երեքինը` ծանր: 1 քաղաքացի մահացել է»:
Հիշեցնենք՝ այսօր փոխհրաձգություն է տեղի ունեցել Երևանի Աջափնյակ վարչական շրջանում։