Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ուկրաինական բանակցային թիմում տարաձայնություններ են ծագել է Ռուսաստանի հետ հնարավոր հրադադարի վերաբերյալ, գրում է The Economist-ը։
Նշվում է, որ ուկրաինացի բանակցողների մեկ թևը, որը ներկայացնում է նախագահի աշխատակազմի ղեկավար Կիրիլո Բուդանովը, կարծում է, որ Ուկրաինայի շահերը լավագույնս կբավարարվեն ԱՄՆ գլխավորած արագ համաձայնագրով և վախենում է, որ գործողությունների պատուհանը շուտով կարող է փակվել։
Մյուս թևը, որն, ըստ երևույթին, դեռևս 2025 թվականի նոյեմբերի վերջին կոռուպցիոն սկանդալի պատճառով հրաժարական տված Անդրեյ Երմակի ազդեցության տակ է, շատ ավելի քիչ է հակված դրան, հաղորդում է BBC-ն։
Ուկրաինայի նախագահ Վլադիմիր Զելենսկին, ըստ ամենայնի, հավասարակշռություն է պահպանում երկուսի միջև՝ միաժամանակ հետապնդելով իր սեփական գաղափարները, նշում է The Economist-ը։
Արագ գործարքն իսկապե՞ս լավագույնն է Ուկրաինայի համար, թե՞ Կիևը կարող է օգուտ քաղել սպասելուց, նուրբ հավասարակշռություն է, և երկու տարբերակներում էլ կան ռիսկեր։
Միացյալ Նահանգները և ԱՄՆ նախագահ Դոնալդ Թրամփը արագ հաշտեցման, «գործարքի», ինչպես այն անվանում է Թրամփը, հիմնական լոբբիստներն են։
Ժնևում ընթացող բանակցությունների երրորդ փուլի նախօրեին Թրամփը կրկին Ուկրաինային կոչ արեց համաձայնել պատերազմի արագ դադարեցմանը։ Սակայն Ռուսաստանի և Ուկրաինայի դիրքորոշումներում մնում են չլուծված հարցեր, որոնցից ամենակարևորը Դոնբասի հետպատերազմյան կարգավիճակն է։
Հետևեք մեզ՝ այստեղ