Եվրոպական միության խորհուրդը Սատու Կոյվուին նշանակել է Հայաստանում Եվրոպական միության դիտորդական առաքելության ղեկավար: Նա իր պարտականությունները կստանձնի 2026 թվականի փետրվարի 20-ին, փոխարինելով Մարկուս Ռիտերին:
Սատու Կոյվուն ֆինն ավագ ոստիկան է, որն ունի ավելի քան 35 տարվա ազգային և միջազգային փորձ: Նշանակվելուց առաջ նա աշխատել է Ֆինլանդիայի Ազգային ոստիկանության վարչությունում՝ զբաղեցնելով մարդկային ռեսուրսների ղեկավարի պաշտոնը:
Նոր ղեկավարի նշանակման որոշումը կայացվել է Եվրոպական միության Քաղաքական և անվտանգության կոմիտեի կողմից 2026 թվականի փետրվարի 17-ին: