Արագածոտնի թեմի գլխավոր հաշվապահ Նաիրա Ալավերդյանին դատարանն ազատեց տնային կալանքից՝ ամբողջությամբ մերժելով քննիչի միջնորդությունը՝ տնային կալանքի ժամկետը երկարաձգելու մասին, այս մասին գրել է պաշտպան Մարինե Ֆարմանյանը։
Նշենք, որ 2025 թվականի հոկտեմբերի 17-ին Երևանի քաղաքի առաջին ատյանի ընդհանուր իրավասության դատարանը չի բավարարել Արագածոտնի թեմի գլխավոր հաշվապահ Նաիրա Ալավերդյանին կալանավորելու միջնորդությունը։
Հիշեցնենք՝ հոկտեմբերի 15-ին Մայր Աթոռից հայտնել էին Արագածոտնի թեմի մի շարք հոգևորականների և թեմի առաջնորդի տան խուզարկության, այնուհետ նրանց բերման ենթարկելու մասին։ Մայր Աթոռը տեղեկացրել էր, որ բերման են ենթարկվել Արագածոտնի թեմի առաջնորդը և 12 հոգևորական։
Քննչական կոմիտեն հայտնել էր, որ կատարվում են գործողություններ՝ հավաքի մասնակցելուն հարկադրելու հատկանիշներով նախաձեռնված քրեական վարույթի շրջանակում։