Ժնևի բանակցությունները կընդգրկեն Աբու Դաբիում կայացած բանակցություններից ավելի լայն շրջանակի հարցեր։
Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։ Նա նշել է, որ Ռուսաստանի նախագահ Վլադիմիր Պուտինը մանրամասն հրահանգներ է տվել ռուսական պատվիրակությանը Ժնևի բանակցություններին մեկնելուց առաջ։
«Իհարկե, նախագահը մշտական կապի մեջ է մեր բանակցողների հետ։ Եվ, իհարկե, նրանք մանրամասն հրահանգներ են ստանում մեկնելուց մեկ օր առաջ», – նշել է նա։
Պեսկովը նաև նշել է, որ ռուսական պատվիրակությունը կընդլայնվի՝ ներառելով փոխարտգործնախարար Միխայիլ Գալուզինին և Ռուսաստանի զինված ուժերի գլխավոր շտաբի հետախուզության գլխավոր վարչության պետ Իգոր Կոստյուկովին։
Ուկրաինական կարգավորման շուրջ բանակցությունների նոր փուլը կկայանա Ժնևում փետրվարի 17-18-ին։